КАДАСТР ПАСПОРТИНИ ОЛИШ МАЖБУРИЙМИ? КАДАСТР ТЎЛОВЛАРИ ҚАНЧА БИЛАСИЗМИ?

Вазирлар Маҳкамасининг 2018 йил 29 декабрдаги 1060-сон қарори билан тасдиқланган низомда кўчмас мулк объектига бўлган ҳуқуқ тури ёки эгаси ўзгарганда, кадастр йиғмажилди (паспорти) фақат кўчмас мулк эгасининг сўровига кўра шакллантирилиши белгиланган.

Кўчмас мулк бегоналаштирилганда кўчмас мулк эгаси бир ой мобайнида Давлат хизматлари марказларига ҳуқуқ белгиловчи ҳужжатни илова қилган ҳолда кадастр филиали томонидан давлат рўйхатидан ўтказиш учун ариза бериш шарт.

Вазирлар Маҳкамасининг 2014 йил 10 июлдаги 186-сон қарорга иловасига кўра:

кўп квартирали уйдаги квартира ва якка тартибдаги уй-жой кадастр паспортини бериш – 1 кв.метр учун 2787 сўм 5 тийин;

ер участкасини ажратиш бўйича иш мавжуд бўлган якка тартибда турар жой қуриш учун ажратилган ер участкаси – бепул;

нотурар жойнинг умумий майдони 100 квадрат метргача – 278750 сўм;

100 квадрат метрдан 1000 квадрат метргача – 1 кв.метр учун 2787 сўм 5 тийин;

жисмоний шахсларнинг умумий майдони 100 квадрат метргача бўлган турар жойни рўйхатдан ўтказиш – 278750 сўм;

жисмоний шахсларнинг умумий майдони 101 квадрат метрдан 300 квадрат метргача бўлган турар жойни рўйхатдан ўтказиш – 446000 сўм;

жисмоний шахсларнинг умумий майдони 301 квадрат метрдан ортиқ бўлган турар жойни рўйхатдан ўтказиш – 669000 сўм;

юридик шахсларнинг турар жойини рўйхатдан ўтказиш – 1115000 сўм;

жисмоний шахсларнинг нотурар жойини рўйхатдан ўтказиш – 669000 сўм;

юридик шахсларнинг нотурар жойини рўйхатдан ўтказиш – 1115000 сўм;

жисмоний шахсларнинг якка тартибда турар жой қуриш учун берилган ер участкасини рўйхатдан ўтказиш – 223000 сўм;

жисмоний шахсларнинг нотурар жой қуриш учун берилган ер участкасини рўйхатдан ўтказиш – 669000 сўм;

юридик шахсларнинг ер участкасини рўйхатдан ўтказиш – 1115000 сўм ундирилиши белгиланган.

Шу билан бирга, ҳозирда Давлат хизматлари агентлиги “Давергеодезкадастр” давлат қўмитаси билан биргаликда тизимдаги техник муаммоларни бартараф этиш ҳамда соддалаштиришни назарда тутувчи Ҳукумат қарори лойиҳаси тайёрланмоқда.

Ойбек ХИДАЕВ,
Давлат хизматлари агентлигининг Архитектура ва курилиш,
кадастр ва коммунал хўжалик соҳасида давлат хизматларини
                           жорий этиш ва ривожлантириш бўлими бош  маслаҳатчиси